ⴰⵙⵡⵓⴷⴷⵓ

ⴰⵔ ⵢⴰⴽⴽⴰ ⵓⵙⵇⵇⵉⵎ ⵜⴰⵏⵏⵢⵉⵏ ⵏ ⵡⵎⵓⵏ ⵓⵖⵔⵉⵎ ⵖ ⵉⵏⵇⵇⵉⵙⵏ ⵍⵍⵉ ⵙⴽⴰⵔ. ⴰⴼⴰⴷ ⴰⴷ ⵢⵉⵍⵉ ⵎⵢⴰⵏⵏ, ⵜⴱⴷⴷ ⵜⵡⵓⵔⵉ ⴷ ⵓⵙⵡⵓⴷⴷⵓ ⵏ ⵓⵙⵇⵇⵉⵎ ⵅⴼ 4 ⵜⵎⵔⵙⴰⵍ :

ⴰⴳⵔⴰⵡ ⴰⵎⴰⵜⵜⴰⵢ : ⵍⵍⴰⵏ ⴳⵉⵙ ⵉⴳⵎⴰⵎⵏ ⵏ ⵓⵙⵇⵇⵉⵎ ⴰⴽⴽⵯ. ⴰⵔ ⵉⵜⴳⴳⴰ ⵜⴰⵏⵏⴰⵢⵉⵏ ⵏⵏⵙ ⵅⴼ ⵉⵏⵇⵇⵉⵙⵏ ⴽⵓ ⴰⵙⴳⴳⵯⴰⵙ ⴷ ⵜⵙⵎⵉⵔⵉⵏ ⴷ ⵉⵏⵙⵇⵇⵉⵙⵏ ⵉⵙⵙⴼⴰⵖ ⵓⵙⵇⵇⵉⵎ ⴳ ⵉⴳⵔⴰⵏ ⵍⵍⵉ ⵙ ⵜⵥⵍⵉ ⵜⵡⵓⵔⵉ ⵏⵏⵙ.

ⴰⵔ ⵉⵙⵙⵉⵖⵥⵉⵏ ⵓⴳⵔⴰⵡ ⴰⵎⴰⵜⴰⵢⵖ ⵉⵖⴰⵡⴰⵙⵏ ⵏ ⵜⵓⵡⵓⵔⵉ ⴷ ⵓⵙⵏⴼⴰⵕ ⵏ ⵜⴷⵔⵉⵎⵜ ⵏ ⴽⵓ ⴰⵙⴳⴳⵯⴰⵙ ⵉⵥⵍⵉⵏ ⵙ ⵓⵙⵇⵇⵉⵎ.

ⴰⵔ ⵉⵙⴽⴰⵔ ⵓⴳⵔⴰⵡ ⴰⵎⴰⵜⴰⵢ ⵉⴳⵔⴰⵡⵏ ⵏ ⵜⵉⵙⵓⵜⴰⵍ ⵜⵓⵍⵍⵓⵙⵉⵏ ⵏⵖⴷ ⵡⴰⵔ ⵜⵓⵍⵍⵓⵙⵉⵏ :

–         ⴰⵔ ⵜⵜⵓⵙⴽⴰⵔⵏⵜ ⵜⵙⵓⵜⴰⵍ ⵜⵓⵙⵙⵓⵍⴰⵏ ⵢⴰⵜ ⵜⴽⵍⵉⵜ ⵖ ⵡⴰⵢⵢⵓⵔ ⵉⵖ ⵙⵔⵙ ⵓⵔ ⵉⵙⴽⵔ ⵓⵎⴰⵔⵉⵙ ⵍⴱⵔⵉⵃ.

–         ⴰⵔ ⵜⵜⵓⵙⴽⴰⵔⵏⵜ ⵜⵙⵓⵜⴰⵍ ⵡⴰⵔ ⵜⵓⵙⵙⵓⵍⴰⵏ ⵉⵖ ⵙⵔⵙ ⵉⴱⵔⵔⵃ ⵓⵙⵏⵉⵅⴼ ⵏ ⵜⵏⴱⴰⴹⵜ, ⵓⵙⵉⵏⵅⴼ ⵏ ⴰⵙⵇⵇⵉⵎ ⵉⵎⵓⵔⴰ, ⴰⵙⵏⵉⵅⴼ ⵓⵙⵇⵉⵎ ⵏ ⵓⵎⵛⵉⵡⴰⵕ ⵏⵖⴷ ⵉⵖ ⵙⵔⵙ ⵉⴱⵔⵔⵃ ⵓⵙⵏⵉⵅⴼ, ⵏⵖⴷ ⵉⵖ ⵉⵜⵜⴻⵜⵔ ⵜⵎⴰⴳⵓⵜ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ.

ⴰⵙⵉⵔⴰ :

ⵉⵍⵍⴰ ⴳ ⵓⵙⵉⵔⴰ ⵓⵏⵙⵙⵉⵅⴼ  ⴷ 5 ⵉⴳⵎⴰⵎⵏ ⵉⵜⵜⵓⵙⵜⴰⵢⵏ ⴳ ⵓⵙⵡⵓⴷⴷⵓ ⵏ ⵓⴳⵔⴰⵡ ⴰⵎⴰⵜⵜⴰⵢ. ⴰⵔ ⵉⵜⵜⴳⴳⴰ ⴽⵓ ⵢⴰⵏ ⴳ ⵉⴳⵎⴰⵎⵏ ⵏ ⵓⵙⵉⵔⴰ ⴰⵔⵇⵇⴰⵙ ⵏ ⵢⴰⵏ ⴳ ⵉⵙⵎⵉⵍⵏ ⵏ ⵓⵙⵇⵇⵉⵎ. ⴰⵔ ⴳⵉⵙ ⵉⵜⵜⵉⵍⵉ ⴰⵡⴷ ⵉⵏⵙⵙⵉⵅⴼⵏ ⵏ ⵜⵉⵙⵇⵇⵉⵎⵉⵏ ⵜⵉⵎⵖⵍⴰⵍⵏⵉⵏ.

ⴰⵔ ⵜⴳⴳⴰ ⵜⵡⵡⵓⵔⵉ  ⵏ ⵓⵙⵉⵔⴰ ⵏ ⵓⵙⵇⵇⵉⵎ ⴰⴷⵎⵙⴰⵏ ⴰⵏⴰⵎⵓⵏ ⴰⵡⵏⵏⴰⴹ  ⴰⵙⵎⴰⵔ ⵏ ⵏ ⵓⵚⵏⴼⴰⵕ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵓⴳⵔⴰⵡ ⴰⵎⴰⵜⵜⴰⵢ ⴷ ⵉⵚⵏⴼⴰⵕⵏ ⴷ ⵉⵖⴰⵡⴰⵙⵏ ⵏ ⵜⵉⵙⵇⵇⵉⵎⵉⵏ ⴷ ⵜⵔⵓⴱⴱⴰ ⵏ ⵜⵡⵓⵔⵉ ⵍⵍⵉ ⵉⵜⵜⴰⵡⵙⴰⴽⴰⵔⵏ ⴳ ⵓⴳⵯⵏⵙ ⵏ ⵓⵙⵇⵇⵉⵎ ⴷ ⴰⵔ ⵉⵙⵡⵓⵔⵉ ⵙ ⵜⴰⵏⵏⴰⵢⵉⵏ ⵏ ⵓⴳⵔⴰⵡ ⴰⵎⴰⵜⵜⴰⵢ.

ⵜⵉⵙⵇⵇⵉⵎⵉⵏ  ⵜⵉⵎⵖⵍⴰⵍⵏⵉⵏ :

ⴰⵔ ⴳⵉⵙⵏⵜ ⵉⵜⵜⵉⵍⵉ ⵓⵔⵇⵇⴰⵙ ⵏ ⴽⵓ ⵢⴰⵏ ⴳ ⵉⵙⵎⵉⵍⵏ ⵏ ⵓⵙⵇⵇⵉⵎ ⴰⴷⵎⵙⴰⵏ ⴰⵏⴰⵎⵓⵏ ⴰⵡⵏⵏⴰⴹ.

ⵜⵥⵍⵉ ⵜⵡⵓⵔⵉ ⵏⵙⵏⵜ ⵙ ⵜⵉⵖⵓⵔⵉⵡⵉⵏ ⴷ ⵉⵔⵣⵣⵓⵜⵏ ⵍⵍⵉ ⵜⵙⵖⴰⵡⵙⴰ ⵜⵏⴱⴰⴹⵜ ⵏⵖⴷ ⵢⴰⵏ ⴳ ⵉⵙⵇⵇⵉⵎⵏ ⵏ ⵓⴱⴰⵕⵍⴰⵎⴰⵏ(ⴰⵚⵕⴰⴹ) ⵏⵖ ⴷ ⵉⵖ ⵉⵙⴽⵔ ⵓⵙⵇⵇⵉⵎ ⵏⵜⵜⴰ ⵜⴰⵙⵏⵜⴰⵢⵜ ⵏⵏⵙ (ⴰⵚⵕⴰⴹ ⴰⵢⵉⵎⴰⵏ).

ⴱⴹⴰⵏⵜ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵏⵉⵏ ⵙ ⵖⵉⴽ :

·        ⵜⴰⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⴷⵎⵙⴰⵏⵉⵏ ⴷ ⵉⵚⵏⴼⴰⵕⵏ ⵉⵙⵜⵔⴰⵜⵉⵊⵉⵏ ;

·        ⵜⴰⵙⵇⵇⵉⵎⵜ ⵏ ⵓⵙⵡⵓⵔⵉ ⴷ ⵜⵎⵣⴰⴷⴰⵢⵉⵏ ⵜⵓⵣⵣⵓⵍⴰⵏⵉⵏ;

·        ⵜⴰⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⵏⴰⵎⵓⵏⵉⵏ ⴷ ⵜⵉⵏ ⵜⵡⵉⵣⴰ  ;

·        ⵜⴰⵙⵇⵇⵉⵎⵜ ⵏ ⵜⵡⵓⵏⵏⴰⴹⵜ ⴷ ⵜⴳⵎⵉ ⵜⴰⵙⵓⵍⴰⵏⵜ ;

·        ⵜⴰⵙⵇⵇⵉⵎⵜ ⵏ ⵡⴰⵎⵓⵏ ⴷ ⵜⵉⵏ ⵜⵓⵙⵏⴰ ⴷⵜⵉⵏ ⵓⵏⵖⵎⵉⵙ

·        ⵜⴰⵙⵇⵇⵉⵎⵜ ⵏ ⴰⵙⴼⵙⵉ ⴷ ⵓⵣⵎⵣ ⴰⴷⵎⵙⴰⵏ ⴷ ⵓⵏⴰⵎⵓⵏ ⴷ ⵓⵡⵏⵏⴰⴹ

·        ⵜⴰⵙⵇⵇⵉⵎⵜ ⵏ ⵜⴰⵏⵎⵏⴰⴹⵜ ⵜⴰⵎⵉⵔⵉⵡⵜ ⴷ ⵜⵉⵏ ⵜⴳⵎⵉ ⵡⴰⵔ ⴰⵖⵔⵎⴰⵏ ⴷ ⵡⴰⴽⴰⵍ

ⵜⴰⵏⴼⵍⵓⵙⵜ ⵜⴰⵎⴰⵜⴰⵢⵜ

ⴰⵔ ⵉⵙⵏⴱⴰⴹ ⵓⵏⴼⵍⵓⵙ ⴰⵎⴰⵜⵜⴰⵢ ⵖ ⵜⵉⵏⵓⴼⴰ ⵜⵉⵎⵙⵙⵓⴳⴰⵔ ⴷ ⵜⵉⵏ ⵜⴷⵔⵉⵎⵜ ⵏ ⵓⵙⵇⵇⵉⵎ, ⴳ ⵜⵙⴳⴰ ⵢⴰⴹⵏ  ⴰⵔ ⵉⵙⴽⴰⵔ ⴰⵡⴷ ⴰⵣⵎⴻⵎⵎ ⵏ ⵉⵚⵕⴰⴹⵏ ⵏ ⵓⵙⵇⵇⵉⵎ, ⴷ ⵓⵙⵎⴰⵔ ⴷ ⵓⵙⵏⵎⴰⵍ ⵏ ⵜⵡⵓⵔⵉⵡⵉⵏ ⵏⵏⵙ ⴷ ⵓⵙⵡⵓⴷⴷⵓ ⴷ ⵜⵎⵃⴹⵉⵜ ⵏ ⵜⴰⵏⵏⴰⵢⵉⵏ ⵏⵏⵙ ⴷ ⵉⵏⵇⵇⵉⵙⵏ ⵏⵏⵙ ⴷ ⵉⵙⴷⴰⵡⵏ ⵏⵏⵙ ⴷ ⵡⴰⵔⴰⵢ ⵏⵏⵙ.